من روائـــــــــــــــــــــع خليل الشبرمي التميمي

[معلومات العضو ابو متعب عضو شبكة الغزالة]

بسم الله الرحمن الرحيم

اقدم لكم هذه القصائد المختارة

من روائع الشاعر خلــــــــــــــــــيل الشبرمي التميمي



=============================================

العيطموس
عاد عيد العنود العيطموس الفارع الفاتن iiالمملوحه

الهنوف العطوف ام العيون الخرّس الذبّل الذبّاحه



يوم عادت بيوم العيد عادت يا عرب للمعنى iiروحه

وفز قلبه مثل ما فز ببروق الوسم قلب راع iiفلاحه


واسْفَر الكون وانور في عيونه وارجهنّ وبرنّ iiجروحه

شاف في نجد ورد الطايف ومزن السراة وضباب الباحة


وانتشى الورد واغصانه تثنّت والندى دمعةٍ iiمسفوحه

وغرد الطير والقمري سجع كنّه على مسرح المفتاحه


انتظر وانتصر وادرك مرامه بالغرام ولحَق iiمصلوحه

كيف ما ينتصر؟ دام المحبه محزمه والعفاف iiسلاحه


وعاد عيد الحيا والسلهمة والبوح والنبرة المبحوحه

والقلوب النظيفة والنوايا البيض والخطّر iiالمنساحه

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

وش اللي صار ما ندري
وش اللي صار ما ندري ولا ندري وش اللي صار

ولا نـدري وش الـلـي بـالـلـيـال الـمـقـبـلات يـصير
تـعـلّـمـنـا مـن اسـرار الـحـيـاة ان الـحـيـاة iiاسرار

وتـفـسـيـر الـحـقـيـقـه بـالـحـقـيـقـه مـالـهـا تـفسير
ومــن غــدر الـزمـن كـلٍ يـقـول ان الـزمـن غـدار

فـكـم مـمـسـي عـلـى قـمة جبل واصبح بقاعة iiبير
ومـن مـكـر الـبـشـر كـلٍ يـقـول ابـن الـبـشر iiمكار
فـكـم بـالـنـاس حـامـل مسك وكم بالناس نافخ كير
صـحـيـح ان الصحيح اصبح خطا والعار ردّ iiالعار
ولــكـن مـالـنـا حـيـلـه ولانـقـوى عـلـى iiالـتـغـيـيـر
نـشـوف الـلـي نـشوفه من مصايب واليدين قصار
تـحـت رحـمـة رحـيـم وفـي رجـا الله والـي iiالتدبير
نـسـوق الـعِـيـر بـامـر الله ونمشي لآخر iiالمشوار
وعـلـم الـغـيـب عـنـد الله وبـامـر الله تـسـير iiالعِير
نــعــايــش وقــتــنــا ونــســايـره ونـقـول iiيـاسـتـار
عـلـيـنـا تـسـتـر بـسـتـرك وبـامـرك يالله iiالـتـيـسير
نــفــكــر بــالــلـيـالـي والـلـيـالـي تـفـخـت iiالافـكـار
ولازلــنــا نـفـكـر كـيـف مـمـكـن نـتـرك iiالـتـفـكـيـر
وش الـلـي صار ماندري ولاندري وش اللي iiصار
ولــكــن كــل شــيٍ مـمـكـن انـه بـالـحـيـاة iiيـصـيـر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ


التوجد
وا وجـودي كـل مـاشـفـت زولـه مـن بعيد
وجـد مَن مِن زود مابه غبن عاف iiالحياة
ووجد من صلى على امه وابوه بيوم عيد
يـوم صـلـى الـعـيـد مـد الـجـنـايـز لـلصلاة
ووجـد عـودٍ قـيّـدوه الـعـسـاكـر iiبـالـحـديـد
ذابـحٍ لـه نـفـس من دون عرضه iiوالبنات
واصـغـر الـقـصّـر بلغ ما عفا راسه عنيد
أقــشـرٍ لاجـاه جـاه الـعـرب قـال الـصـفـاة
ووجـد مـجـدور الـعـرب بالخلا خلي iiوحيد
بـعـنّـتـه مـا حـولـه الا الـذيـابـه iiعـاويـات
ووجد رجْل اعمال عقب المعزه iiوالرصيد
فـلّـس وحـلـت عـلـيـه الـعـطـيـه iiوالـزكـاة
أتــوجّــد وادري ان الــتــوجّــد مــايــفــيـد
وجـد مَـن مـانـال شـفـه ولا حـصـل iiنـجـاة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
ياســــعـــــد
يـاسـعـد وش شاف مجنون ليلى iiبالغرام

أشـهـد انـه وان بِـلِـي بـلـوتـه iiيـاهـونـها
يـاسـعـد لـيـلاه وان مـات فـيـهـا مستهام

تـدري انـه بـالـهـوى يـاسـعـد iiمـجـنـونها
الـمـصـيـبـه مـن غـدى مـيـتٍ له كم iiعام

عـشـقـتـه مـاتـدري انـه قـتـيـل عـيـونـها
قـرهـدت نـفـسـه عـلـيـهـا ومرّ الكبد زام

ودوك قـلـبـه يـاسـعـد مـزّعـتـه iiطـعـونها
يـاسـعد والله يالولا الحيا واخشى iiالملام

والـقـرابـه والـحـيـا والـهـوى iiوجـفـونها
لاانـهـبه وانحاش واجلى جنوب ديار iiيام

مـا يـردن لـو وقـف جـيـش هـتـلر iiدونها
يـاسـعـد راع الهوى بالهوى لاضيم iiشام

مــايــرده طــول بــيــبـانـهـا وحـصـونـهـا
وان غوى راع الهوى في هواها مايلام

لااجـتـمـع غـبـن الـزمن ياسعد وغبونها
يـاسـعـد هـي مـنـوة الـلـي تمنى والمرام

لـعـن ابـو حـظٍ قـصـر يـاسـعـد من دونها
أســمـع الـرعـاد واخـيـل بـراق الـغـمـام

بـس مـادري يـاسـعـد ويـن وبـل iiمزونها
ويـاسـعـد والله فـلا اسلى هواها iiلاحرام

لـو يـلـوح الـشـيـب فـي لـحيتي iiوقرونها
وخـذ وصـاتي ياسعد وصلّه بنت iiالحشام

ذي وصـاتـي كـان غـيري غدى مظنونها
لا شرت ثوب الفرح تشتري لي باع iiخام

يــدفــنــونـي لـيـلـة الـعـرس ويـزفـونـهـا
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
اتركيني يا عزيزة للشتات
اتــركــيــنــي يــاعــزيـزة iiلـلـشـتـات
والــعـنـا والـبـعـد والـلـيـل الـطـويـل
وريـحـيـنـي مـن غموض iiالمفردات
وكـبـريـاء الـكـذب والـعـذر الـهـزيل
وحـاصـريني صمت من كل iiالجهات
واذبـحـيـنـي بـوح فـي نـبـرة iiعـلـيـل
واسـألـي غـدر الـيـديـن الـنـاعـمات
عـن ثـلاث طـعـون فـي صدر iiالقتيل
وافــرحــي لاقــيـل فـارقـت iiالـحـيـاة
وزغــردي لاشــيــعـوا جـثـة خـلـيـل
وكــل شــي بــيــنــيــا يــابـنـت iiمـات
ولابـقـى بـعـد الـرحـيـل الا الـرحـيـل
وانـتـهـت رحـلـة ثـمـان iiالـطـايـرات
وابـتـدت قـصـة لـقـانـا iiالـمـسـتـحيل
كـنـتـي أجـمـل مـن رأيت من البنات
ومــالــك بــعـيـنـي مـثـيـل ولا iiبـديـل
وصرتي أشنع جرح وابشع ذكريات
لــلانــانــيــة ونــكــران iiالــجــمــيـل
ولاتــبــقــى مـن غـلاك الا iiالـرفـات
ولاتـلاشـى مـن عـنـاي الا iiالـقـلـيـل
ودعـيـنـي يـوم فـقـت مـن iiالـسـبـات
ولاتــعــديــنـي سـوى عـابـر سـبـيـل
اقــتــرف فـي حـق نـفـسـه سـيـئـات
ولا يـكـفـرهـا سـوى الـبـعـد iiالطويل

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
ستار أكاديمي
الـطـف بـنـا يـا لـطـيـف ويالله iiالـرحـمـه * عـنـد اخـتـلاف الـمـبـادي والـمـفـاهيمي
عـشـنـا وشفنا عسى الله يحسن الختمه * ويـقـسـم لـنا الخير من خير iiالمقاسيمي
وأنا اشهد ان الحظيظ اللي عن الزحمه * يــم الــخــلا مــع حـلالـه دايـم مـقـيـمـي
والـعـشـب مـدّ الـنـظـر مـا داسته جزمه * والـبـل تـرعـى الـحيا وضح iiومجاهيمي
يـرتـاح بـالـه ويـنـسـى الـهـم iiوالـكـتـمه * لا شـاف مـزنٍ مـن الـوسـمـي iiمقاديمي
الـيـا شـعـق ضـوح برقه واشعل العتمه * وارهـش وجـهّـى غـشـيـنـه له iiحناتيمي
وان راح لـلـقـنْـص ما يطلق ولا iiصتمه * يــقـنـص بـحـرٍ عـفَـر نـادر iiصـواريـمـي
يــنــام بــدري ونــاره طـلـعـت الـنـجـمـه * تـزْعـر ونـجـره يـصـوّت لـلـشـغـامـيـمي
مــا شـال بـيـجـر ولا جـوال أبـو iiنـغـمـه * ولا شـاف (بِق برذر) و(ستار iiاكاديمي)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
انا يالحميدي عان وسمي على بلّي
ألا مرحباً واهلاً هلا عد ماهلي

وحي الرفيق اللي علومه يجوزٍ iiلّي

ولاوالله الا مرحباً بالرفيق iiاللّي

مديم حجاجه طلق ولسانه iiيهلّي

صديقٍ صدوقٍ صادق الود صافيٍ iiلّي

ومن بعد ذا يااحمد ابا ارسل iiوحوّلي

انا يالحميدي عان وسمي على iiبلّي

وش اللي جرى وايش السبب يافتى iiقلّي

لاصرت فوقي ماانت ملزوم تنزل iiلّي

وكانك تقول الناس قالت فعين iiلّي

ولاتبعد ابدن بس من ملّك وملّي

بلانا بلانا بيننا دوم iiينسلّي

وبالناس يابن الناس طامن ومتعلّي

وقلبي دليلي يالحميدي يدربل لّي

وانا احَمْد ربي ماخبرت القدم iiزلّي

ونفسي عزيزه بالردى iiماتسولّي

ولا اداني العيله ولا الميل لو iiملّي

وانا داري انك يافتى الجود وافيٍ iiلّي

وعلى كل حالٍ جيت كلي على حلّي

أبلبس على ماتشتهيه انت iiفصّلّي

وقل واهني اللي عن الناس iiمتسلّي

وصلوا على سيْد البشر عدّ iiماهلّي

سحابٍ على سلمى واجا دوم همالي

وحي الكتاب كتاب غالي ومن iiغالي

مضرا على كسب النواميس iiريبالي

به الطيب طبع معرب الجد iiوالخالي

نقيٍ تقيٍ ماله اجناس iiوامثالي

وشرواك ذيبٍ موجته تلقط iiارسالي

علام الوسوم اللي على بلّك iiاشكالي

علام العلوم علوم جزلات وهزالي

ولاصرت حدري ماانت مكلوف ترقى لي

من اللي سلم من راعي القيل iiوالقالي

تحسس ودوّر كم حقودٍ iiومحتالي

ومنا بنا واشين ورخوم iiوانذالي

وانا ما ارفع الطامن ولا اطمن iiالعالي

واميز هماجه قبل اذوقه من iiالحالي

ومشيي لك الله دوم دغري وطوالي


وسود النوايا ماتشوش على بالي

ولا اطفف لغيري ولا ازيد iiمكيالي

ولاهي غريبه منك ياطيب iiالفالي

وخذني شقيقٍ لك على كل ابو iiحالي

وضبّط عسى الله مايعريك تفصالي

دليخٍ فضيخٍ دالهٍ خاليٍ iiسالي

سحابٍ توالى نوض براقه يلالي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
وسامحونا على التقصير (الترتيب القصائد)

للمزيد من مواضيعي

[معلومات العضو فالقلب نبره شخصية هامة جداً]

سلمت وسلم الشبرمي

[معلومات العضو اللغزالغامض مراقب عام]

يشرفنا تواجدك
ويشرفنا انتقاءك
لقصائد المبدع الشبرمي
دمت بخير

توقيع - اللغزالغامض

.حب الغزاله ياولد بالسراجيف% %لو قلت لي فينا قلت الغزاله هذي الغزاله تشرفت تعالت فوق المسمعي يحق له ضيفه سعود عيون الملك او مسمعه إيه شاعر وانــا كلي مشاعر أنثر أحساسي وألمه واحتويه أبني الواقع للذكرى وأكابر وأقطف أرق ناعم وأهتديه , حب بنت الضبي لانهيته بديته. ................................................. الهــــقوه جديره خــــــابرٍ الهقوه جـــديره ما خـــذلتني المراجــل ولا كسبت الفـــشايل حولتها من راس نبراس عساه الف خيره واللي بنفسي عسفته عسف الخيول الأصايل .................. أنا من الغزاله وافتخر بديرة المجد عيال الحميضي من تميم ن رجاله حليان اسسها لنا ثامن الـــــــــــــجّد غربي جبال رمان زمـــــــرد سهـــاله بجال الزبار اللي من الحُمر ينــــــــقد غرس الودايا جنب قليبٍ طوا لــــــــه كان الفخر يذكرله شذره أوحــــــــــد سيف الغزاله كاسب مجده لحاـــــلـه : تاريخ ماضيها له شاهد ومشــــــهــد تفنى أُمم وتبقى المعالم عدالـــــــــــه ........................... ان كــان حـبــي للـغـزالـه عـذاريــب يـاكـبـر عـــذروب لنـفـسـي جـنـيـتـه ,,,,,,,,,,,,,,,,,,,,,,,,,,,,,,,,,,,,,,,, عشرين عام اطرد غزال الغزله مل الملل طرده ونا ما توذيت شاعر الغزاله ابراهيم بشيرسعود الفيصل التميمي .............................................. [اللغز الغامض1