مختارات من ديوان عابرة سبيل رحمها الله

[معلومات العضو اللغزالغامض مراقب عام]

اخواني واخواتي يسعدني ان اقدم لكم هذا الموضوع الخاص عن الشاعرة عابرة سبيل رحمها الله واسكنها فسيح جناته ..
(( عابرة سبيل ))
هي القلم النسائي مميزفهي شاعرة لها اسلوب خاص عن غيرها ولو قرأتم ديوانها وتمعنتم فيه لوجدتم العجب العجاب من الشعر ومن الكلام الجميل الرائع الذي يدخل الى القلب دون استئذان ..
فأحيانا تأتي مولعة بالحب وأحيانا لا تعطي اهتمام للحبيب وأحيانا قوية صارمة لا يهمها
فلقد نوعت لنا من الشعر أشكالاً وألواناً وأحياناً تأتيك في شعرها فكاهه وأبتسامات...

اترككم مع سيرتها الذاتية وبعض من قصائدها الرائعة ..
السيرة الذاتيه
الأسم : أم فهد العازمي
الجنسيه : كويتية
الحالة الأجتماعية : متزوجه ولديها خمس من الأبناء
المؤهل الدراسي : ثانوية عامه وبتفوق
سبب وفاتها : انتشار السرطان بجسدها
((الشاعرة تتحدث عن نفسها ))
أنا لااعصر الجرح لتفرحوا بنزفه فهذا

عذاب آخر بل تعصرني الجراح وتولد القصائدانا لااتصنع ولااغير في ملامح قصيدتي بعد ولادتها

اذا اعلنت القصيدة وصولها لااملك لها سوى قلما ينقلها كما هي كما تجول وتتخبط في داخلي لارتوش ولامكيج



قالت عن هويتها :

أنا عجوز مطلقـة وأم ورعـان

وأيضاً مدام وبنت وآنس وعانس

أنا بدوية وعايشه عند حضـران

وبنت البحر وأبوي زارع وغارس

أميةٍ ماتعرف حـروف وألـوان

وتلميذةٍ دشت جميـع المـدارس

ظفرة وخبلة عاقلة في نقصـان

شرود وأنطح لي ثمانين فـارس

خلوني أعيش العابرة دون عنوان

طيفٍ يمـر بلارقابـة وحـارس

قالت عن الفراق :

ليته درى صبيحة العيد وش صـار

ياهو جرالي مـن عذابـي هوايـل

يوم العذارى بيّحن بعض الاسـرار

وجت السوالف بيـن قيـلٍ وقايـل

هذي معايدها قبل وقـت الاسحـار

وهذيك صاحبهـا عطاهـا رسايـل

وهذي تماري في غلا الصاحب البار

وتقـول عايدهـا بكـل الوسايـل

وانا اتلفت فـوق ويميـن ويسـار

بالعيد ما حتـى مشطـت الجدايـل

قالت ايضآ :

أهلي يـدرون إنـي شاعـرة

بس مايدرون في جرح الليالي

يمنعوني من كتابـة خاطـرة

مادروا إني من زمان بهالمجال

آه لو يدرون اني (( عابرة ))

عندهم بتصير موتتنا .. حلال

وقالت في قصيده لها (( رساله من بدويه )) :

تعال بشـرح لـك أنـا كـل مغلـوق

تعـال شاهـدنـي مــع ذكريـاتـي

لا لا يغرك لبس موضـة ومسحـوق

انفض غبار الوقـت تلقـي صفاتـي

قرب وطالع معّـن الشـوف بحـدوق

وزيف التطـور جـرده مـن حياتـي

بتشوف في وجهي من الماضي اطروق

أخذت من بطـن الصحـاري صفاتـي

طفلـة بثـوب مخيطينـه ومفتـوق

تنطـر جديـد الثـوب بالعيـد ياتـي

سمعت طرف اخبار عن كلمة السـوق

وتاخذ وتسـأل هـو وجـوده ثباتـي

طفله سحبهـا الوقـت للهم برفـوق

حتي انهـا صـارت مـن العاشقاتـي

وجار الزمن وعرض الحـب للعـوق

شـرق ركايبهـا وهـم مشمـلاتـي

واتلا عهدها فيـه يركـض ورا نـوق

مسرود جيب وفـي يدينـه عصاتـي

ويصد لكن يلتفت لـي مـن الشـوق

عجـلان يلخصنـي بعيـنٍ تحـاتـي

وقفـى وخطواتـه يتلـن معـلـوق

وخلانـي ماتنقـل عظامـي عباتـي

ودار الزمان ولا مشي الحـظ بوفـوق

ومازلـت أخفـي بالظـلام اعبراتـي

ولا زلت أنا العب له علي كل طـاروق

حتـي يجيـب الله موعـد وفـاتـي

بريال عارضه :

بريال عارضته على السوق بريال

من باعني برخيص والله لأبيعـه

من يشتري رجّال قصّر بالافعـال

باع العهود الماضيـه للخديعـه

رجّال يسوى له ثمانيـن رجّـال

كل الصفات اللي ملكها فضيعـه

له ضحكةٍ تشبه لضحكات الأطفال

ذيبٍ ونظراتـه حنونـه وديعـه

وله فزعةٍ منها المجانين عقّـال

وفجوج لا ضاقت عليّ الوسيعـه

ياما عدل عوجا ثقيلات وطـوال

وأنا معاقبتـه غيـورٌ صريعـه

والله يسوى له ثمانيـن رجّـال

والخبل مثلي لا زعل يب يبيعـه

وقالت ايضآ:

باكر يجي ويا شيب عيني من الويل

من عقب ما غاب السنيـن المديّـه

وش آقوله صارو عيالي رجاجيل.؟

وش آقوله مانـي بعهـده وفيّـه

ان قلت له انـي تعذبـت بالحيـل

وان قلت له اكبـر عيالـي سميّـه

يب يعذرني ويترك القـال والقيـل

ولا يجـي ويّـا زمانـي علـيّـه

وان جبت حظي والمقاديـر تعليـل

واني ضعيـف ورغبـه الله قويـه

يبي يصـدق كلمتـي دون تحليـل

والا يبـي ينسـف كلامـي عليّـه

ش قوله له ؟ ماينفعـن الاقاويـل

مادمـت مانـي بعـهـده وفـيـه

وقالت ايضآ عن الفراق :

حان الفراق .. وتم توديـع غاليـن

قسوة زمن وظروف ماهي رحومـه

وحاولت ابدّل موقف العسر بالليـن

وأبيـن قدامـه جسـور ظلـومـه

وأعاتبه وأنقد علـى دمعـة العيـن

وانا - حشـا لله - مانـي ألومـه

وأقـول هـذا حـال كـل المحبيـن

وهذا الفراق الـي تجينـا علومـه

ومسكت نفسي كن ماصايـر شيـن

أخشى على خلـي يشقـق هدومـه

ثم قلت وش تنطر حبيبي لهالحين؟!!

أثـر ايدينـي ماسكـات كمـومـه

وقالت عن الهم والضيقه :

ضايقه بالحيل محتاجه اشتكـي

لولا طبع فيّ .. يمديني شكيت

بس أدور عذر منشـان البكـي

لو يدوسون بطرف ثوبي بكيت

كل ماجيـت اتريـح وارتكـي

يزدحم في خاطري الفين بيـت

ويش بيدي افعله غير الحكـي؟

قاصره خطوات رجلي لو مشيت

أسرعي يانفس موتي واهلكـي

صرتي همي يوم بالدنيا شكيت

إنا لله :

ليتنـي البارحـه ياغالـي ماسريـت

يم درج ٍ مقفـل مـن قديـم السنيـن

أشهد اني فتحتـه وانتحبـت وبكيـت

شفت ماهيض الجرح القديـم الدفيـن

شفت وسطه رساله وليتنـي ماقريـت

بيت شعر قديم وظرف مـع صورتيـن

اشهد انـي لغيـره بالغـلا ماعطيـت

واشهد انه بغاني مير ما مـن عويـن

صحت من قلب ياويلي على اللي هويت

وقمت امسح دموعي من يسار ويميـن

لاطرالي حبيبي بصوت واطي حكيـت

إنـا لله .... وإنـا للولـي راجعيـن

هيّا تغزل:

كل ما اتصل فيك.. صبح وليل تشكي لي

من عوج الاوضاع والدنيـا ومتاعبهـا

مليت يا صاحبي مابيـك تحكـي لـي

هالأسطوانـه أنـا مليـت مطربـهـا

حتى خيالـك بتـال الليـل ياتـي لـي

جـروح وعيـون معقـوده حواجبهـا

عيشتني بعالـم ماهـو علـى جيلـي

زهـرة شبابـي حـرام انـك تخربهـا

يامـا هجرتـك ولا كملّـت ترحيـلـي

حبايـب ماتعـبـر عــن حبايبـهـا

حبيبتـك مـا تحـمّـل هالبهاذيـلـي

إضحـك معاهـا ولاطفهـا ولاعبـهـا

هيّـا تغـزل وغـن وزيـد تدليـلـي

البنـت ياحبـهـا لـلـي يداعبـهـا

قلي وش رايـك بفستانـي ومنديلـي؟

الوانهن تعجبك .. أو مانـت راغبهـا؟

وقلي وش رايك بعقدي مع خلاخيلـي؟

وشف قذلتـي يـوم قصينـا ذوايبهـا

وقلي وش رايـك بأطباعـي وأقاويلـي

لاحـظ عليهـا وغيّـرهـا وشطّبـهـا

خل بيننـا انقـاش وعلـوم وتعاليلـي

وآمر على البنت وان حبيـت طالبهـا

يامدمـن الهـم كافـي دمـع بالليلـي

بكره تشبـع مـن الدنيـا ومصايبهـا

دنيـاك والله .. ماتسـوى التزاعيلـي

حتـى ولاهيـب كفـو الـي يعاتبهـا

لا تسافر :

لا تسافـر وتتركنـي أجاهـد غـلاك

كل شـي يهـون إلا جهـاد الغـرام

أما تبقـى معايـا أو اسافـر معـاك

لاتخلينـي لطـوال الليالـي طـعـام

خوفي البعد لامنـه خـذاك وطـواك

مثل قصـر تـولاه الزمـن والهـدام

لا تسافر وانا اللي في رجا الله ورجاك

لاتسافـر وتلقانـي بقايـا حـطـام

يا يمه:

يمه .. يايمـه .. فديتـك لاتخلينـي

بعثرني الهم وأبغـى يديـك تجمعنـي

يمه افهمينـي تـراك ان مافهمتينـي

مافيه شخـص بهالدنيـا بيسعمنـي

ماعدت انا طفلتك.. كبـرت شوفينـي

خليك يمي تـرى الاطمـاع تتبعنـي

لاتدللينـي .. أبـي منـك تدليـنـي

وابـي ايديـك تداعبنـي وتصفعنـي

ولا انهد حيلي أبي عطفـك يقوينـي

ياما كلامك علـى الشـدات شجعنـي

وان جيتك ابكي .. ابي منك تهدينـي

مابيك تبكين .. أبغى العقـل ينفعنـي

يامملكة عطـف ياعطـر الرياحينـي

براثـن الهـم والهوجـاس تلسعنـي

بسمتك عندي الا من ضقـت تكفينـي

وارضاك عني عن الاحـزان يرفعنـي

اسمى العلاقات تربـط بينـك وبينـي

ياللي احضانك ان ضاق الكون تاسعني

لك احترامي وحبي والوفـا .. فينـي

وفيك اروع الحب مايخطي ويخدعنـي

العيد باكر :

العيد باكر .. أسعد الله ممسـاك

والله ما أدري وين خد جلستـه

وين أنت ياللي عيدنا في محياك

كف القدر من ضيقة الخلق دسته

من يوم ما لوحت لي كف يمناك

اليوم دمعي بالخفا مـا حبستـه

ومن يوم ما ذوقتني حر فرقـاك

والياس زرعه في حياتي غرسته

شريت لي ثوب علشان لقيـاك

والثوب راحت موضته مالبسته

وشريت عطر ما زهاني بليـاك

أربع سنين بعلبته مـا لمستـه

ودفتر قصيد كل يـوم يترجـاك

مافيه يوم ما سهرت ودرستـه

وهذه ابيات ساخره ايضآ لها :

لي صاحب منه تبي تطلع الـروح

خبل ومن هي مولعة فيـه خبلـه

عامين المح له مع الجد ومـزوح

واقـول ياعنتـر تناديـك عبلـه

طال المدى ثم قلت انا اغليك يالوح

مجروحة جرح مخاطـره عجلـه

دنق وقال انا من العـام مجـروح

واشر لجرح مبطي وسـط رجلـه

يا دنياي :

جيت بكتب عن شقا عمري قصيده

مير عيا القـول لا ياقـف معـي

شاف همي والمعانـاه الشديـده

اكبر من القول وحـروف النعـي

هـاك يادنيـاي عمـري ماريـده

اضربيني واقسمينـي واجمعـي

اي نعم ماني بها الدنيـا سعيـده

من نهار ولادتـي وهمـي معـي

عشت محزونه وملتاعه وشريـده

وياكبـر شـيٍ تخبيـه اضلعـي

مابي بين الناس تبكـي وحيـده

وان هجع طرف البشر ماتهجعـي

اما موته حـق او ايـدي بايـده

هيه يارحمه الهـي .. اسرعـي

حيرة :

لا..قال ردي لي ولا.. قال روحي

لا .. هو مريحني ولاهوب مرتاح

يغيـب ويعـود يفتـق جروحـي

واذا استجد الجرح لوح لى وراح

واضحك واجامل وادعي بالفروحي

وبداخلي نار.. وتجاريح وصيـاح

واحاول اخفي جروحـي بروحـي

واخيط جرح وتنفتق عدة اجـراح

هنا وادعتنا شاعرتنا الرائعه وهي على فراش الموت في هذه القصيدة المبكيه... :

ترى الذبايح و أهلها مـا تسلينـي

أنا أدري إن المرض لا يمكن علاجه

أدري تبي راحتي لا يا بعـد عينـي

حرام ما قصرت يديـك فـي حاجـه

أخـذ وصاتـي وأمانـه لا تبكينـي

لو كان لك خاطرٍ ما ودي إزعاجـه

أبيك في يديك تشهدنـي وتسقينـي

أمانتـك لا يجـي جسمـي بثلاجـه

لف الكفن في يديك وضف رجلينـي

ما غيرك أحدٍ كشف حسناه واحراجه

أبيـك بالخيـر تذكرنـي وتطرينـي

يجيرني خالقي مـن نـار وهاجـه

سامح على اللي جرى ما بينك وبيني

أيام نمشي عـدل وأيـام منعاجـه

همي عيالي وأنا اللي فيْ ..كافينـي

علمهم الديـن تفسيـره ومنهاجـه

هذا ما أستطعت جمعه من ديوان شاعرتنا

آمل أن يحوز على رضاكم هذا الاختيار
محبكم اللغز الغامض

للمزيد من مواضيعي

[معلومات العضو خزامى عضو شبكة الغزالة]

لله يعطيك العافيه
ويسلم الايادي
والله انه شي هالشاعره
حلو شعره ماشاء الله
بس مااحد يفوق على خالد الفيصل والسديري

[معلومات العضو هياء الصالح عضو شبكة الغزالة]

رحم الله الشاعرة
مشكوور علي الجمع القصايد
دائما مبدع

[معلومات العضو اللغزالغامض مراقب عام]

المشاركة الأصلية كتبت بواسطة خزامى

لله يعطيك العافيه
ويسلم الايادي
والله انه شي هالشاعره
حلو شعره ماشاء الله
بس مااحد يفوق على خالد الفيصل والسديري

تسلمي وبارك الله فيك
شرفتينا بحق
شكرا لك
ننتظر مشاركتك
دمتم بخير

توقيع - اللغزالغامض

.حب الغزاله ياولد بالسراجيف% %لو قلت لي فينا قلت الغزاله هذي الغزاله تشرفت تعالت فوق المسمعي يحق له ضيفه سعود عيون الملك او مسمعه إيه شاعر وانــا كلي مشاعر أنثر أحساسي وألمه واحتويه أبني الواقع للذكرى وأكابر وأقطف أرق ناعم وأهتديه , حب بنت الضبي لانهيته بديته. ................................................. الهــــقوه جديره خــــــابرٍ الهقوه جـــديره ما خـــذلتني المراجــل ولا كسبت الفـــشايل حولتها من راس نبراس عساه الف خيره واللي بنفسي عسفته عسف الخيول الأصايل .................. أنا من الغزاله وافتخر بديرة المجد عيال الحميضي من تميم ن رجاله حليان اسسها لنا ثامن الـــــــــــــجّد غربي جبال رمان زمـــــــرد سهـــاله بجال الزبار اللي من الحُمر ينــــــــقد غرس الودايا جنب قليبٍ طوا لــــــــه كان الفخر يذكرله شذره أوحــــــــــد سيف الغزاله كاسب مجده لحاـــــلـه : تاريخ ماضيها له شاهد ومشــــــهــد تفنى أُمم وتبقى المعالم عدالـــــــــــه ........................... ان كــان حـبــي للـغـزالـه عـذاريــب يـاكـبـر عـــذروب لنـفـسـي جـنـيـتـه ,,,,,,,,,,,,,,,,,,,,,,,,,,,,,,,,,,,,,,,, عشرين عام اطرد غزال الغزله مل الملل طرده ونا ما توذيت شاعر الغزاله ابراهيم بشيرسعود الفيصل التميمي .............................................. [اللغز الغامض1

[معلومات العضو اللغزالغامض مراقب عام]

المشاركة الأصلية كتبت بواسطة هياء الصالح

رحم الله الشاعرة
مشكوور علي الجمع القصايد
دائما مبدع

الشكر مووصول بعاطره لجنابك الزكي
والابدع تواضعك
وتشريفك بالمرور على متصفحي
لا عدم ولا خلا
من الطيبين
واهل القلوب البيضاء
المواصلين
بتشريفهم قسمنا
شكرا الف

توقيع - اللغزالغامض

.حب الغزاله ياولد بالسراجيف% %لو قلت لي فينا قلت الغزاله هذي الغزاله تشرفت تعالت فوق المسمعي يحق له ضيفه سعود عيون الملك او مسمعه إيه شاعر وانــا كلي مشاعر أنثر أحساسي وألمه واحتويه أبني الواقع للذكرى وأكابر وأقطف أرق ناعم وأهتديه , حب بنت الضبي لانهيته بديته. ................................................. الهــــقوه جديره خــــــابرٍ الهقوه جـــديره ما خـــذلتني المراجــل ولا كسبت الفـــشايل حولتها من راس نبراس عساه الف خيره واللي بنفسي عسفته عسف الخيول الأصايل .................. أنا من الغزاله وافتخر بديرة المجد عيال الحميضي من تميم ن رجاله حليان اسسها لنا ثامن الـــــــــــــجّد غربي جبال رمان زمـــــــرد سهـــاله بجال الزبار اللي من الحُمر ينــــــــقد غرس الودايا جنب قليبٍ طوا لــــــــه كان الفخر يذكرله شذره أوحــــــــــد سيف الغزاله كاسب مجده لحاـــــلـه : تاريخ ماضيها له شاهد ومشــــــهــد تفنى أُمم وتبقى المعالم عدالـــــــــــه ........................... ان كــان حـبــي للـغـزالـه عـذاريــب يـاكـبـر عـــذروب لنـفـسـي جـنـيـتـه ,,,,,,,,,,,,,,,,,,,,,,,,,,,,,,,,,,,,,,,, عشرين عام اطرد غزال الغزله مل الملل طرده ونا ما توذيت شاعر الغزاله ابراهيم بشيرسعود الفيصل التميمي .............................................. [اللغز الغامض1